കേരള ശാസ്ത്രസാഹിത്യ പരിഷത്ത് വിദ്യാഭ്യാസ വകുപ്പിന്റെ സഹകരണത്തോടെ 1973
മുതൽ കേരളത്തിലെ വിദ്യാലയങ്ങളിൽ നടത്തിവരുന്ന വിദ്യാഭ്യാസ പരിപാടിയാണ്
വിജ്ഞാനോത്സവം ആദ്യത്തെ രണ്ട് ദശാബ്ദക്കാല ഇത് യുറീക്ക ശാസ്ത്രകേരളം
വിജ്ഞാന പരീക്ഷയായാണ് നടത്തിയിരുന്നത്. കുട്ടികളിൽ ശാസ്ത്രകൗതുകവും ശാസ്ത്ര
ബോധവും വളർത്തുക എന്നതായിരുന്നു ലക്ഷ്യം.യുറീക്ക ശാസ്ത്ര കേരളം മാസികകളിലെ
വിദവങ്ങളും പ്രത്യേകം നിർദ്ദേശിച്ച പുസ്തകങ്ങുമെല്ലാം വിജ്ഞാനോത്സവ
വിഷയങ്ങളായി.എന്നാൽ കേവലം ഓർമ്മപരിശോധന എന്ന പരിമിതി ഈ രീതിക്ക്
ഉണ്ടായിരുന്നു. ഈ പരിമിതിയെ മറികടക്കാനും കൂട്ടി കളുടെ വ്യത്യസ്ത
അഭിരുചികളേയും കഴിവുകളേയും പരിഗണിച്ചു കൊണ്ട് നിരീക്ഷണം, പരീക്ഷണം വിശകലനം
തുടങ്ങിയ ശേഷികൾ കൂടി പരിശോധിക്കുന്ന രീതിയിലേക്ക് വിജ്ഞാന പരീക്ഷകൾ
മാറുകയായിരുന്നു.1991 ൽ വിജ്ഞാന
പരീക്ഷ വിജ്ഞക്കാനോത്സവമായി മാറി. എല്ലാ കുട്ടികൾക്കും പങ്കെടുക്കാവുന്ന
വിധത്തിൽ വിജ്ഞാനോത്സവം മാറുകയായിരുന്നു. ആയിരത്തിലേറെ കുട്ടികൾ പങ്കെടുത്ത
പഞ്ചായത്ത്തല വിജ്ഞാനോത്സവങ്ങൾ പ്രവർത്തനങ്ങളിലെ പുതുമ കുട്ടികളേയും
രക്ഷാകർത്താക്കളേയും അധ്യാപകരേയും ആകർഷിച്ചു. ഓർമ്മപരിശോധനക്കപ്പുറം
തൊട്ടറിയാനും മണത്തറിയാനും അന്വേഷിച്ചറിയാനുമുള്ള
സാധ്യതകൾ തുറക്കുകയായിരുന്നു വിജ്ഞാനോത്സ്വ ത്തിലൂടെ.ഔപചാരിക വിദ്യാഭ്യാസ
രംഗത്ത് പുതിയ പാഠ്യപദ്ധതിയിലൂടെ ബോധനവും പഠനവും മൂല്യനിർണയവും മാറുന്നതിന്
വിജ്ഞാനോത്സവ പരീക്ഷണങ്ങളും ചെറിയ തോതിൽ സഹായകമായി. തുടർന്നിങ്ങോട്ട്
കഴിഞ്ഞ 25 വർഷമായി വിജ്ഞാനോത്സവം ചെറുതും വലുതുമായ മാറ്റങ്ങളോടെ നടന്നു
വരികയാണ്.ശാസ്ത്ര വർഷം, രസതന്ത്ര വർഷം.പ്രകാശവർഷം ,മണ്ണ് വർഷം
തുടങ്ങിയവർഷാചരണങ്ങളുടെ ഭാഗമായി ആ വിഷയമേഖലകളിൽ കുട്ടികൾക്ക് കൂടുതൽ
വിജ്ഞാന മാർജ്ജിക്കാനുള്ള അവസരം തുറന്നു കൊണ്ട് വിജ്ഞാനോത്സവങ്ങൾ
തുടർന്നു.കഴിഞ്ഞ വർഷം സൂക്ഷ്മജീവി എന്ന വിഷയത്തിലൂന്നിയുളള വിജ്ഞാനോത്സവം
ഏറെ ശ്രദ്ധ പിടിച്ചുപറ്റി.
വിദ്യാഭ്യാസ വകുപ്പും അധ്യാപകരും രക്ഷാകർത്താക്കളും
അധ്യാപക സംഘടനയ്ക്കും നൽകിയ അകമഴിഞ്ഞ പിന്തുണയാണ് വിജ്ഞാനോത്സവങ്ങളെ
വിജയിപ്പിച്ചത്.സ്കൂൾ തലം മുതൽ സംസ്ഥാന തലം വരെ നീണ്ടു നിൽക്കുന്ന
ശാസ്ത്രോത്സവങ്ങളായി വിജ്ഞാനോത്സവങ്ങൾ മാറി.
ഒരു അറിവുത്സവം എന്നതിലുപരി ബോധന മൂല്യനിർണയ രംഗത്ത് നടത്തുന്ന ഗൗരവമേറിയ ഒരു അന്വേഷണമായാണ് പരിഷത്ത് വിജ്ഞാനോത്സവങ്ങളെ കാണുന്നത്.
കേരളത്തിന്റെ പൊതുവിദ്യാഭ്യാസ രംഗം കൂടുതൽ
ശക്തിപ്പെടുത്തി ഗുണനിലവാരം മെച്ചപ്പെടുത്തുന്നതിന്റെ ഭാഗമായി ഓരോ
വിദ്യാലയത്തേയും പ്രതിഭോദ്യാനങ്ങളാക്കി (Talent Lab) മാറ്റാൻ വിദ്യാഭ്യാസ
വകുപ്പ് തീരുമാനിച്ച പശ്ചാത്തലത്തിൽ വിജ്ഞാനോത്സവത്തിലും കാതലായ ചില
മാറ്റങ്ങൾ കൊണ്ടുവരണമെന്ന് പരിഷത്ത് കരുതുന്നു.
വിവിധങ്ങളായ കഴിവുകളും അഭിരുചികളുമുള്ള കുട്ടികളാണ്
വിദ്യാലയങ്ങളിലുള്ളത്. കുട്ടികളിലെ വ്യത്യസ്ത അഭിരുചികളേയും വ്യത്യസ്ത
അഭിരുചികളുള്ള കുട്ടികളേയും പരിഗണിച്ചു കൊണ്ടാണ് ഈ മാറ്റം.
ശാസ്ത്രത്തെ ജീവിതമാക്കി മാറ്റിയ പ്രശസ്ത ശാസ്ത്രജ്ഞ മേരി ക്യൂറിയുടെ നൂറ്റമ്പതാം ജന്മവാർഷികമാണ് 2017
.ഇതിന്റെ പശ്ചാത്തലത്തിൽ ശാസ്ത്രം ജീവിതമാണ് എന്ന വിഷയമാണ്
വിജ്ഞാനോത്സവത്തിനായി തെരഞ്ഞെടുത്തിട്ടുള്ളത് .മേരി ക്യൂറിയുടെ ജീവിതം,
സംഭാവനകൾ, ശാസ്ത്രത്തിന്റെ രീതി,ശാസ്ത്രത്തിന്റെ നേട്ടങ്ങളും പരിമിതികളും
,രസതന്ത്രം - വിശിഷ്യ മൂലകം, സംയുക്തം ,ആവർത്തനപ്പട്ടിക തുടങ്ങിയ മേഖലകൾ
വിവിധ ഘട്ടങ്ങളിലായി വിജ്ഞാനോത്സവം ചർച്ച ചെയ്യും.നാടകീകരണം ,പോസ്റ്റർ രചന,
സർഗ്ഗാത്മക രചന, അന്വേഷിക്കും കണ്ടെത്താം എന്നിങ്ങനെനാല് പ്രവർത്തനങ്ങളാണ്
വിജ്ഞാനോത്സവത്തിലുണ്ടാവുക. സ്കൂൾ ,പഞ്ചായത്ത്, മേഖല, ജില്ല, സംസ്ഥാനം
എന്നീ അഞ്ച് തലങ്ങളിൽ വിജ്ഞാനോത്സവം നടക്കും. സ്കൂൾ തലത്തിൽ ഇഷ്ടമുള്ള മേഖല
കൂട്ടിക്ക് തെരഞ്ഞെടുക്കാം. ഒരു അവധി ദിവസം നാല് മൂലകളിലായി പ്രവർത്തനങ്ങൾ
നടത്തി മികവു പുലർത്തുന്നവരെ കണ്ടെത്താം.സ്കൂൾ തലത്തിൽ മികവു പുലർത്തുന്ന
സംഘത്തേയും 2-3 വ്യക്തിഗത ഇനങ്ങളിൽ 2-3 മികച്ച വിദ്യാർത്ഥികളേയും ഉയർന്ന
തലങ്ങളിലേക്ക് തെരഞ്ഞെടുക്കാം. എല്ലാ തലങ്ങളും പഠന സമയം നഷ്ടപ്പെട്ടു
ത്താതെ അവധി ദിവസങ്ങളിൽ നടത്തണമെന്നാണ് കരുതുന്നത്. മേരി കൂറിയുടെ ജീവിതം
ആവിഷ്കരിക്കന്ന ഡോകമെന്റെറി പ്രദർശനം, ശാസ്ത്ര ക്ലാസ്സുകൾ തുടങ്ങിയ
പരിപാടികളും സംഘടിപ്പിക്കും.
സ്കൂൾ തല വിജ്ഞാനോത്സവം 2017 ഒക്ടോബർ 14 ന് ശനിയാഴ്ച നടക്കും
വിദ്യാഭ്യാസ വകുപ്പിന്റെ സഹകരണത്തോടെ നടന്നു വരുന്ന
വിജ്ഞാനോത്സവം ഈ വർഷവും നടത്തുന്നതിനാവശ്യമായ എല്ലാ സഹായവും ഉണ്ടാവണമെന്നും അതിന്റെ ഭംഗിയായ നടത്തിപ്പിന് വിദ്യാലയങ്ങളും
അനുബന്ധ സാമഗ്രികളും അനുവദിക്കാനും അധ്യാപകരുടെ സേവനം ഉറപ്പുവരുത്താനും
ആവശ്യമായ നിർദ്ദേശങ്ങൾ നൽകണമെന്ന് അഭ്യര്ത്ഥിക്കുന്നു